Kaligtasan sa Islam

Sa Islam, ang bawat tao ay ipinanganak  na walang kasalanan: walang (konsepto ng) orihinal na kasalanan. Ang bawat tao ay may  pananagutan sa kanilang sariling mga gawain, at walang sinuman ang magpapasan ng pasanin ng iba (Qur’an, 6/164). Ang  bawat tao ay binigyang inspirasyon ng  kaalaman tungkol sa Allah at likas na kumikiling sa Islam bago ipanganak. Kaya’t  responsibilidad nating hanapin ang  gabay ng Allah at panatilihing malinis  ang ating mga puso mula sa katiwalian.  Ang Allah ang hukom ng lahat, at walang sinuman ang may karapatang magbigay  ng kaligtasan o magdikta ng kaparusahan  maliban sa Kanya.